لاہور۔31مارچ(اے پی پی) وزیراعظم محمد شہباز شریف قازقستان دے صدر قاسم جومارت توکایف نال ٹیلی فون تے ڳالھ مہاڑ کیتی ۔ ݙوہیں رہنماواں زراعت، معیشت، تجارت، سرمایہ کاری، آئی ٹی اتے مواصلات دے شعبیں اچ تعاون کوں مزید تکڑا کرݨ تے ڳالھ مہاڑ کیتی۔ وزیراعظم انہاں ??وں تے قازقستان دے عوام کوں ??ید الفطر دی مبارخ ݙتی ۔ وزیراعظم دفتر دے میڈیا ونگ توں جا??ی بیان موجب اپݨی ٹیلیفونک ڳالھ مہاڑ اچ ݙوہیں رہنماوں ݙوپاسے تعلقات دی موجودہ صورتحال دا جائزہ ڳھدے، آندی مصروفیات اتے سانجھی دلچسپی دے امور تے ڳالھ مہاڑ کیتی ۔ ݙوپاسے تعلقات دی مثبت پیشرفت تے اطمینان دا اظہار کریندے ݙوہیں لیڈراں زراعت، معیشت، تجارت، سرمایہ کاری، آئی ٹی اتے مواصلات دے شعبیں اچ تعاون مزید تکڑا کرݨ تے ڳالھ مہاڑ کیتی ۔ انہاں پاکستان اتے قازقستان وچال مختلف شعبیں اچ اشتراک دی مثبت پیشرفت دی وی تعریف کیتی ݙوہیں رہنماواں پاکستان اتے قازقستان وچال تعاون کوں ایندی پوری استعداد تئیں پڄاوݨ دے آپݨے عزم دا اظہار کیتے ۔ مئی اچ قازقستان دے ھک اعلیٰ سطحی وفد دے پاکستان دا دورہ کرݨ دا ذکر کریندے وزیراعظم شہباز شریف آکھئے او اڄوکے سال دے چھیکڑ اچ قازقستان دے صدر دے دورہ پاکستان دے وی منتظر ہن، انہاں امید ظاہر کیتی جو ایں طرح دے تبادلے ݙوہیں ملکاں وچال ݙو پاسے تعاون کوں مزید تکڑا بݨاوݨ اچ معاون ثابت تھیسن۔
.jpg)
