اسلام آباد ۔ 11 اگست (اے پی پی) وفاقی وزیر ہوا بازی غلام سرور خان آکھیے جو جشن آزادی دیاں خوشیاں ونڈنڑ کیتے پی آئی اے خصوصی پروازاں اتے رعایتی پیکج دا اعلان کیتے۔ منگل کوں ہوابازی ڈویژن ولوں جاری بیان اچ انہاں آکھیے جو 14 اگست توں سکھر، ملتان اتے گوادر کیتے ملک دے مختلف حصیں توں پروازاں شروع کیتیاں ویندیاں پئن ۔ وزیر ہوابازی آکھیے جو پی آئی اے اندرلے ملک اچ سیاحت کوں ودھارا ڈیونڑ کیتے آزادی دے ڈینھ دیاں چھٹیاں اچ گلگت اتے سکردو کیتے وی رعایتی کرائیں دے نال خصوصی ودھیک پروازاں چلیندی پئی اے ۔ جشن آزادی پیکج دے تحت اسلام آباد، لاہور اتے کراچی وچال پروازاں تے کرائیں اچ 14 فیصد رعایت ڈتی گئی اے اتے سامان دی حیران کن حد 73 کلو کرڈتی گئی اے ۔ وفاقی وزیر مزید آکھیے جو برطانیہ تے یورپ کیتے وی پی آئی اے دا متبادل فضائی آپریشن بحالی دے پاسے ٹردا پئے۔
پی آئی اے جشن آزادی دیاں خوشیاں ونڈنڑ کیتے خصوصی پروازاں اتے رعایتی پیکج دا اعلان کیتے ، وفاقی وزیر ہوا بازی غلام سرور خان
اسلام آباد ۔ 11 اگست (اے پی پی) وفاقی وزیر ہوا بازی غلام سرور خان آکھیے جو جشن آزادی دیاں خوشیاں ونڈنڑ کیتے پی...
مضمون کا ماخذ : خوش قسمت لڑکی
