اسلام آباد۔14جون (اے پی پی) نیشنل ڈیفنس یونیورسٹی پاکستان دے 15 رکنی وفد امریکہ دے مطالعاتی دورے دے موقع تے واشنگٹن اچ پاکستانی سفارتخانے دا دورہ کیتے ۔ پاکستان دے سفارت خانے توں جاری بیان موجب نیشنل ڈیفنس یونیورسٹی دے وفد پاکستان دے سفیر سردار مسعود خان نال ملاقات کیتی۔ وفد دے ارکان اچ پاکستان دی مسلح افواج اتے سول سروسز دے سینئر افسران سودھے بنگلہ دیش، سری لنکا اتے سعودی عرب دے اتحادی حکام شامل ہن ۔ سردار مسعود خان وفد کوں پاکستان امریکہ ݙوطرفہ تعلقات دی تاریخ تے موجودہ صورتحال سودھے اہم علاقائی تے عالمی امور تے پاکستان دے نقطہ نظر دے حوالے نال تفصیلی بریفنگ ݙتی ۔ انہاں آکھیے جو پاکستان تے امریکہ ݙوطرفہ تعلقات کوں ٻیا مضبوط بݨاوݨ کیتے جامع تے وسیع البنیاد ایجنڈے تے کم کریندے پئن ۔ سفیر آکھیے پاکستان تے امریکہ پرامن اتے مستحکم افغانستان دے مشترکہ مقصد اتے افغانستان اچ انسانی بحران کوں روکݨ کیتے رل تے کم جاری رکھیسن ، انہاں آکھیے جو پاکستان تے امریکہ دے ݙو طرفہ تعلقات کوں مزید مضبوط بݨاوݨ چاہندوں ، اقتصادی،تجارتی، دفاع، تعلیم، آئی ٹی، موسمیاتی تبدیلی، توانائی اتے ثقافتی شعبے سودھے ٻئے شعبہ جات دے حوالے نال وی مکم کیتا ویندا پئے ۔ سفیر آکھیے جو دفاعی تے سلامتی دے شعبیں اچ تعاون سودھے تجارت، سرمایہ کاری، آب و ہوا، صحت، توانائی اتے تعلیم دا محکمہ وی ھکو سویں اہمیت رکھیندے ۔ پاکستان تے امریکہ دےݙوطرفہ رابطے تے تعلقات 75 سال تے محیط ہن ۔ نیشنل ڈیفنس یونیورسٹی دا وفد واشنگٹن ڈی سی اچ آپݨے قیام دے دوران مختلف امریکی دفاعی اتے سول اداریں دا دورہ کریسی ۔
نیشنل ڈیفنس یونیورسٹی پاکستان دے وفد دا واشنگٹن اچ پاکستانی سفارتخانے دا دورہ
اسلام آباد۔14جون (اے پی پی) نیشنل ڈیفنس یونیورسٹی پاکستان دے 15 رکنی وفد امریکہ دے مطالعاتی دورے دے موقع تے واشنگٹن اچ پاکستانی سفارتخانے...
مضمون کا ماخذ : بلوچستان لاٹری
