وزیر خزانہ اسحاق ڈار دی ایکو چیمبر آف کامرس دے وفود نال گالھ مہاڑ

Trump's foreign policy: Buy Greenland and end the Ukraine war

اسلام آباد ۔ 04 مارچ (اے پی پی) وفاقی وزیر خزانہ سینیٹر محمد اسحاق ڈار آکھے جو ایکو ملک وڈے اتحاد اتے رابطیاں دے زریعے خطے دی اقتصادی تے تجارتی صلاحیتاں کوں استعمال اچ گھن آ سگدے ہن ۔ ایکو وژن 2025 دے حصول اچ نجی شعبے دا کردار بہوں اہم ہے ۔ اے گالہیں انہاں گزریل ڈینھ ایکو چیمبر آف کامرس تے صنعت دے وفود نال گالھ مہار کریندے ہوئیں آکھیاں ، جنہاں انہاں نال پی ایم ہاﺅس اچ ملاقات کیتی۔وفاقی وزیر مہماناں دا خیر مقدم کریندے ہوئیں اقتصادی تعاون تنظیم دے کامیاب سربراہ اجلاس تے وزیر اعظم،حکومت اتے پاکستانی عوام ولوں مبارخ ڈتی ۔ اسحاق ڈار آکھیا جو دنیا دی آبادی دا 16فیصد ایکو خطے اچ ہے جڈانجو عالمی تجارت اچ انہاںد ا حصہ صرف 2فیصد ہے۔انہاں آکھیا جو ایکو ملکاں کوں تجارت،سرمایہ کاری دے شعبیاں تے خصوصی توجہ ڈیونڑ دی لوڑ ہے ۔ انہاں آکھیا جو چیمبرز آف کامرس و صنعت ایں بارے نمایاں کردار ادا کرسگدے ہن ۔ وفاقی وزیر آکھیا جو ودھ ساریاں کوششاں نال ایکو ملک اسلام آباد اعلامیئے دے مطلوبہ مقاصد حاصل کرسگدے ہن ۔ انہاں آکھیا جو رکن ملکاں وچال خاص طور تے کاروباری افرادکیتے ویزیاں دے طریقہ کار اچ نرمی گھن آونڑ دی لوڑ ہے ۔ انہاں ایکو ٹریڈ اینڈ ڈویلپمنٹ بنک دے فعال کردار تے وی زور ڈتا۔

مضمون کا ماخذ : ولف گولڈ

متعلقہ مضامین