راولپنڈی۔21اکتوبر(اے پی پی)وفاقی وزیرِریلوے محمد حنیف عباسی آکھیے جو زرعی شعبے اچ اصلاحات ویلھے دی اہم لوڑھ اے، زراعت اچ آپݨی برآمدات اچ ودھارا کرݨا چاہیدے، ملک دی ترقی کیتے اساں ساریں کوں رَل تے محنت کرݨی ہوسی۔ اے ڳالھ انہاں پیر مہر علی شاہ بارانی زرعی یونیورسٹی راولپنڈی اچ ݙوجھی بین الاقوامی ایگریکلچر کانفرنس دی اختتامی تقریب نال خطاب کریندے آکھی۔ کانفرنس دا انعقاد یونیورسٹی “ڈیجیٹل اختراعات دے ذریعے زراعت دی تبدیلی” دے عنوان نال کیتا۔ اختتامی تقریب دے مہمانِ خصوصی وفاقی وزیرِ ریلوے محمد حنیف عباسی جݙاں جو مہمانِ اعزاز ایم پی اے پنجاب اسمبلی اسماء ناز عباسی ہن۔ کانفرنس دا انعقاد فزیکل اتے آن لائن ݙوہیں طریقیں نال کیتا ڳیا جِتھاں کُجھ بین الاقوامی مقررین عملی طور تے تقریب اچ شرکت کیتی اتے کجھ آن لائن ہی آپݨے مقالات پیش کیت??۔ کانفرنس دے انعقاد نال جِتھاں زراعت اچ تبدیلی دے بارے مزید آگاہی اتے تحقیقی و اختراعی سوچ دی حوصلہ افزائی تھئی اتھاں شرکاء کوں سنگتیاں اتے ٻئے ماہرین نال رابطے قائم کرݨ اتے آپت دے دلچسپی دے امور تے ڳالھ مہاڑ دا وی موقع مِلیا۔ اختتامی تقریب نال خطاب کریندے وفاقی وزیر آکھیا جو اساݙے شرکاء کوں دنیا توں قابل ستائش دانشور مقررین کوں سُݨݨ دا اعزاز حاصل تھئے اتے انہاں ایجھے اہم موضوعات تے روشنی ݙتی جو زراعت کوں جدید خطوط تے استوار کرݨ اچ معاون ثابت تھیسن۔ حنیف عباسی آکھیا جو دنیا تکھے تکنیکی انضمام دی ول وَدھدی پئی اے، اساکوں وی بحیثیتِ قوم آپݨے دستیاب وسائل اتے بصیرت ا??روز ماہرین دیاں کوششاں کوں استعمال کریندے ہ??ئیں زراعت اچ ڈیجیٹلائزیشن اتے جدید اہداف کوں اپناوݨ دی لوڑھ اے۔ وائس چانسلر پروفیسر ڈاکٹر قمرالزمان خطاب کریندے آکھیا جو آٹومیشن، مصنوعی ذہانت اتے فارمنگ دا دور شروع تھی چُکئے اتے اے ضروری اے جو اساں وی روایتی زراعت کوں جدید زراعت نال ہم آہنگ کروں۔ انہاں اختراعات کوں اپنا تے، اساں پیداواری لاڳت کوں گھٹ کرݨ دے نال نال کھاد دے استعمال کوں چنڳا بݨا سڳدوں، پاݨی کوں بچا سڳدوں اتے ماحولیاتی اثرات کوں گھٹ توں گھٹ کریندے فصل دی مجموعی پیداوار اچ خاطر خواہ ودھارا وی کرسڳدوں۔ انہاں کانفرنس اچ سارے بین الاقوامی اتے قومی مہمان مقررین اتے شرکاء دی قابل قدر شرکت تے انہاں دا شکریہ ادا کیتا۔ وائس چانسلر کانفرنس دے آرگنائزرز ڈاکٹر محمد نوید طاہر (چیف آرگنائزر)، ڈاکٹر شعیب راشد سلیم (کانفرنس سیکرٹری) اتے انہاں دی پوری ٹیم دی تعریف کریندے کانفرنس دے کامیاب انعقاد تے ساریں کوں مبارخ ݙتی۔ قومی اتے بین الاقوامی سکالرز اَٹھ مختلف تکنیکی سیشنز اچ آپݨے مقالات پیش کیتے۔ ایں توں علاوہ ایگریکلچرل ایکسپو، آئی ٹی نمائش، برڈ شو، فوڈ فیسٹ، آرٹ اتے کرافٹ دی نمائش اتے پوسٹر مقابلہ وی کانفرنس دا حصہ ہن۔ چھیکڑ اچ معزز مہماناں، حاضرین اتے شرکاء کوں شیلڈز اتے سووینئر وی پیش کیتے ڳئ??۔ کانفرنس دا ترائے ݙینھ کسان میلہ تے مشتمل ہوسی جیں دا انعقاد یونیورسٹی دے ریسرچ فارم (چکوال روڈ، کونٹ) تے کیتا ویسی۔
زرعی شعبے اچ اصلاحات ویلھے دی اہم لوڑھ اے، وفاقی وزیرِ محمد حنیف عباسی
راولپنڈی۔21اکتوبر(اے پی پی)وفاقی وزیرِریلوے محمد حنیف عباسی آکھیے جو زرعی شعبے اچ اصلاحات ویلھے دی اہم لوڑھ اے، زراعت اچ آپݨی برآمدات اچ ودھارا...
مضمون کا ماخذ : لاٹری نمبر کا انتخاب
