ملتان ۔ 30 نومبر(اے پی پی)وزیرخارجہ مخدوم شاہ محمودقریشی آکھیے جو پاکستان تحریک انصاف دی حکومت آرمی چیف دی مدت ملازمت اچ توسیع بارے قانون سازی اپوزیشن دے تعاون نال کریسی۔ملتان اچ میڈیا نال الیندے انہاں آکھیا جو حکومت کوں سپریم کورٹ دے تفصیلی فیصلے دی تانگھ اے جیندے بعد حکومت اپوزیشن جماعتاں کوں اعتماداچ گھنسی اتے قانون سازی کوں اگو تے ودھیسی۔ انہاں امید کیتی جواپوزیشن ایندے تے ذ مہ داری ڈکھیسی اتے حکومت دا ہتھ ونڈیسی۔وزیر خارجہا ٓکھیا جو پاکستان تحریک انصاف ہمیشہ عدالتاں دااحترام کیتے اتے عدالتی معاملات اچ کڈاھیں رکاوٹ نئیں پاتی،ایں معاملے تے قانون سازی نال مستقبل دی حکومتاں کوں وی فیدہ تھیسی۔ہک سوال دا ولدا ڈیندے انہاں آکھیا جو پاکستان افغانستان اچ امن کیتے کردار اداکریندا پئے،مقبوضہ جموں وکشمیر دے معاملے تے وی پاکستان عالمی سطح تے وڈیاں کامیابیاں گھدن،امریکی کانگریس مقبوضہ وادی اچ انسانی حقوق دی خلاف ورزیاں تے زور نال الیندی پئی اے،میڈیا کوں وی ایندے تے مثبت کردار اداکرنڑاچاہیدے۔
آرمی چیف دی مد ملازمت اچ توسیع بارے قانون سازی اپوزیشن دے تعاون نال کریسوں،وزیرخارجہ مخدوم شاہ محمودقریشی
ملتان ۔ 30 نومبر(اے پی پی)وزیرخارجہ مخدوم شاہ محمودقریشی آکھیے جو پاکستان تحریک انصاف دی حکومت آرمی چیف دی مدت ملازمت اچ توسیع بارے...
مضمون کا ماخذ : لاٹری کا حساب
.jpg)
